අල්ලාහු අක්බර්, කබීරා අල්ලාහු අක්බර් කබීරා, අල්ලාහු අක්බර් කබීරා වල් හම්දු ලිල්ලාහ් කසීරා වල්හම්දු ලිල්ලාහි කසීරා වල්හම්දු ලිල්ලාහි කසීරා වසුබ්හානල්ලාහි බුකරතන් වඅසීලා යනුවෙන් තුන්වරක් පවසා, වඅඌදු බිල්ලාහි මිනෂ්ෂෙයිතානි මින් නෆ්කිහි වනෆ්සිහි වහම්සිහි. තේරුමඃ අල්ලාහ් අති ශ්‍රේෂ්ඨය. අධිකවශයෙන් ප‍්‍රසංශා සියල්ල අල්ලාහ්ටම හිමි වන්නේය. උදේ සවස අල්ලාහ්ගේ පාරිශුද්ධත්වය මෙනෙහි කරමි. ෂෙයිතාන්ගෙන් විය හැකි හානිවලින් මෙන්ම -ඔහු- උමතුව, උඬගුකම හා කාව්‍යයෙන් අනුන්ගේ සිත් ඇදගැනීම ආදියෙන් මාව ආරක්ෂාකර දෙනු මැන. (අබූ දාවූද්, ඉබ්නු මාජා, මුස්ලිම්.)
අල්ලාහුම්ම බාඉද් බයිනී වබයින කතායාය. කමා බාඅද්ත බයිනල් මෂ්රිකි වල් මග්රිබි අල්ලාහුම්ම නක්කිනී මින් හතායාය කමා යුනක්කස් සව්බුල් අබ්යලූ මිනද් දනස් අල්ලාහුම්මග් සිල්නී මින් කතායාය බිල් මාඉ වස්සල්ජි වල් බරද්. තේරුමඃ යා අල්ලාහ් නැගෙනහිර හා බස්නාහිර අතර ඔබ විසින් ඇති කළ පරතරයමෙන් මා හා මගේ පාපයන් අතරද පරතරයක් ඇති කරනු මැන. සුදු පැහැති රෙද්දකින් කුණු ඉවත් කරන්නාසේ පාපයන්ගෙන් මාව සුවි ශුද්ධ කරනු මැන. යා අල්ලාහ් ජලය, හිමිය හා පිනිකැට මගින් මගේ වැරදි සෝදා පිරිසුදු කරනු මැන. (බුහාරි, මුස්ලිම්)
සුබ්හානකල්ලාහුම්ම වබිහම්දික වතබාරකස්මුක වතආලා ජද්දුක වලාඉලාහ කයිරක. තේරුමඃ යා අල්ලාහ් ඔබට උපහාර දක්වන අතරම සුවිශුද්ධද කරමි. ඔබේ නාමයන් අභිවෘද්ධිමත්ය. ඔබේ කීර්තිය උත්තරීතරය. නැමදුමට සුදුස්සා ඔබ හැර වෙන කිසිවෙක් හෝ කිසිවක් නොමැත. (තිර්මිදි, අබූ දාවුද්, ඉබ්නු මාජා, නසාඊ, තිර්මිදි
වජ්ජහ්තු වජ්හිය ලිල්ලදී ෆතරස්සමාවාතී වල් අර්ළ හනීෆන් වමා අන මිනල් මුෂ්රිකීන්. ඉන්න සලාතී වනුස්කී වමහ්යාය වමමාති ලිල්ලාහි රබ්බිල් ආලමීන්. ලාෂරීක ලහු වබි දාලික උමිර්තු වඅන මිනල් මුස්ලිමීන්, අල්ලාහුම්ම අන්තල් මලිකු ලා ඉලාහ ඉල්ලා අන්ත. අන්ත රබ්බී අන අබ්දුක ළලම්තු නෆිසී වඃතරෆ්තු බිදන්බී ෆඃෆිර්ලී දුනූබී ජමීඅන්. ඉන්නහු ලායඃෆිරුත්දුනූබ ඉල්ලා අන්ත වහ්දිනී ලි අහ්සනිල් අහ්ලාකි ලා යහ්දී ලි අහ්සනි හා ඉල්ලා අන්ත වෂ්රිෆ් අන්නී සය්යිඅහා ඉල්ලා අන්ත ලෙබ්බෙයික් වසඅදෙයික වල් කෛරු කුල්ලූහූ ෆී යදෙයික. තබාරක්ත වත ආලෙයික. අස්තඃෆිරුක වඅතූබු ඉලෙයික. තේරුම: අහස් හා පොළොව මැවූ ඔබ දෙසටම මාගේ මුහුණ හරවමි. මම සමකරන්නවුන්ට අයත් නොවෙමි. සත්‍යවශයෙන්ම මගේ සලාතය, මගේ කැපකිරීම, මගේ ජීවිතය, මගේ මරණය, යනාදිය විශ්වයේ මැවුම්කරු වන අල්ලාහ්ටමය. ඔහුට සමාන කිසිවක් හෝ කිසිවෙක් නොමැත. මම ඒ නියෝගයට සම්පූර්ණයෙන්ම අවනතවූ මුස්ලිම්වරයෙකු වෙමි. යා අල්ලාහ් රජු ඔබයි. නමැදුම් ලබන්නා ඔබ හැර අන් කිසිවෙක් නැත. මගේ පරමාධිපති ඔබය. මා විසින් මටම හානිකරගත්තෙමි. මගේ පාපයන් පිළිගනිමි. එහෙයින් මගේ පාපයන් සියල්ල මා වෙනුවෙන් ක්‍ෂමාකරනු මැන. ඔබ හැර වෙන කිසිවෙක් පව්සමා කරන්නේ නැත. යහපත් පැවැත්මෙන් යුත් නියම මාර්ගය පෙන්වනු මැනව. මාව වඩාත් යහපත් සාරධර්ම වෙත යොමු කරනු මැනව. ඔබ හැර වෙන කිසිවෙකුට එම මඟ පෙන්වීම කළ නොහැක. එහි අයහපත් දේවලින් මා ඈත් කරනු මැනව. අයහපත් දේවලින් මාව ආරක්ෂා කිරීමට වෙන කිසිවෙක් සමත් නොවන්නේය. ඔබේ නියෝගයට නැවත නැවත පිළිතුරු දීමට සූදානමින් සිටිමි. ඔබේ ක‍්‍රියාවන් භාග්‍ය සම්පන්නය. යහපත ඔබේ දෑත සතුය. ඔබ ළඟ, අයහපතක් නැත. මම ඔබ නිසා, ඔබ වෙනුවෙන්ම ජීවත්වෙමි. ඔබ උත්තරීතරය. අති ශ්‍රේෂ්ඨය. ඔබෙන් පාපසමාව පතමි’ (එම පාපයන් ගැන) පසුතැවිලි වෙමි. (මුස්ලිම්)
අල්ලාහුම්ම රබ්බ ජිබ්රායීල් වමීකායිල් වඉස්රාෆීල් ෆාතිරස් සමාවාති, වල් අර්ළි ආලමල් ඝයිබි වෂ්ෂහාදති. අන්ත තහ්කුමු බයින ඉබාදික ෆීමාකානු ෆීහි. යහ්තලිෆූන ඉහ්දිනි ලිමක්තුලිෆ ෆීහි මිනල් හක්කි, බි ඉද්නික ඉන්නක තහ්දී මන්තෂාඋ ඉලා සිරාතින් මුස්තකීම්. තේරුමඃ යා අල්ලාහ් ජිබ්රායිල් මීකායිල් ඉස්රාෆීල් යන අයගේ පරමාධිපතියාණනි, අහස් හා පොළොවේ මැවුම්කරුවාණෙනි, සැඟවුන හා දෑස ඉදිරියේ ඇති සියලූ දේ ගැන දන්නා ඔබ, ගැත්තන් අතරේ යම් යම් කරුණු ගැන පවත්නා මතභේදයන් පිළිබඳවද සාධාරණ තීරණයක් ගනු මැන. සත්‍ය පිළිබඳව යම් මත භේදයක් වී නම් ඔබේ අනුමැතිය පරිදි මා හට නිසිමග පෙන්වනු මැනවි. සත්‍ය වශයෙන්ම ඔබ කැමති අයට සෘජු මග පෙන්වන්නේය. (මුස්ලිම්)
අල්ලාහුම්ම ලකල් හම්දු අන්ත නූරුස්සමාවාති වල් අරළි වමන් ෆී හින්න වලකල් හම්දු අන්ත කයිමුන් සමාවාති වල් අර්ලි වමන් ෆී හින්න (වලකල් හම්දු අන්ත රබ්බුස් සමාවාතී වල් අර්ලි වමන් ෆී හින්න) වලකල් හම්දු ලක මුල්කුස්සමාවාති වල් අර්ළි) වලකල් හම්දු අන්තල් හක්කු වවඃදුල් හක්කු වකවුලූකල් හක්කු වලිකාඋකල් හක්කු වල්ජන්නතු හක්කු වන්නාරු හක්කුන් වස්සාඅතු හක්කුන් අල්ලාහුම්ම ලක අස්ලම්තු වඅලෙයික තවක්කල්තු වබික ආමන්තු වඉලෙයික අනබ්තු වබික කාසම්තු වඉලෙයික හාකම්තු ෆඃෆර්ලි මා කද්දම්තු වමා අක්කර්තු වමා අස්රර්තු වමා අඃලන්තු අන්තල් මුකද්දමු අන්තල් මුඅක්කරු. ලා ඉලාහ ඉල්ලා අන්ත අන්ත ඉලාහි ලා ඉලාහ ඉල්ලා අන්ත. තේරුමඃ යා අල්ලාහ් සියලූ ප‍්‍රශංසා ඔබටමය. අහස් හා පොළොවද ඒ තුළ ඇති දේවලද ආලෝකය ඔබය. සියලූ ප‍්‍රශංසා ඔබටමය. අහස් හා පොළොවද, ඒවා තුළ ඇති දේවල්ද ස්ථාවරව පිහිටුවූයේ ඔබය. සියලූ ප‍්‍රශංසා ඔබටය. අහස් හා පොළොවේ මැවුම්කරුවා ඔබය. සියලූ ප‍්‍රශංසා ඔබටය. අහස් හා පොළොවේ පාලනය ඔබ සතුයි. ඒවායේ රජු ඔබයි. සියලූ ප‍්‍රශංසා ඔබටය. සත්‍යය ඔබයි. ඔබේ ප‍්‍රඥාව සත්‍යයකි. ඔබේ වදන් සත්‍යයකි. ඔබේ හමුවීමද සත්‍යයකි. ස්වර්ගයද සත්‍යයකි. අපායද සත්‍යයකි. විනිශ්චය දිනය ද සත්‍යයකි. යා අල්ලාහ් මම ඔබටම අවනත වෙමි. ඔම කෙරෙහිම විශ්වාසය තබමි. ඔබව විශ්වාස කර ඔබ වෙතම පැමිණෙන්නෙමි. ඔබ වෙතම පැමිණිලි කරමි. ඔබේ විනිශ්චයම බලාපොරොත්තු වෙමි. එහෙයින් මම පෙරද, පසුවද, රහසිගතවද, ප‍්‍රසිද්ධියේද කළ පාපයන් මා වෙනුවෙන් ක්‍ෂමා කරනු මැනවි. නැමදුමට සුදුස්සා ඔබ හැර කිසිවක් හෝ වෙන කිසිවෙක් නැත. ඔබ මාගේ දෙවියාය. ඔබ හැර වෙන දෙවියකු නැත. සටහන: මේ ප‍්‍රාර්ථනාව නබි(සල්) තුමාණෝ රාත‍්‍රි (තහජ්ජත්) සලාතයේදී කිරීම පුරුද්දක්කරගෙන සිටියහ. (බුහාරි, මුස්ලිම්)