කවරෙකු මා හට ආසිරි පතන්නේද ඔහුට අල්ලාහ් දසවරක් කරුණාව පහළ කරයි. යැයි නබිතුමාණෝ ප‍්‍රකාශ කළහ. (මුස්ලිම්)
මාගේ සොහොන උත්සව පවත්වන ස්ථානයක් බවට පත් නොකරන්න. මට ආසිරි පතන්න. ඔබලා කොහි සිටියත් ඔබලාගේ ආසිරි (සලවාත්) මා වෙත දැනුම් දෙනු ලැබේ. යැයි නබිතුමාණෝ ප‍්‍රකාශ කළහ. (අබූ දාවූද්, අහ්මද්)
මසුරුකම් ඇති තැනැත්තා කවරෙකුද යත් ඔහු ඉදිරියේ මාගේ නම සඳහන් කරනු ලැබුවද මා වෙනුවෙන් ආශිර්වාද නොකරන තැනැත්තාය. යනුවෙන් නබිතුමාණෝ ප‍්‍රකාශ කළහ. (තිර්මිදි)
මහපොළොව පුරා සැරිසරණ අල්ලාහ්ගේ මලක්වරු (දූතවරු) මාගේ අනුගාමිකයින්ගේ සලාමය මා වෙත දැනුම් දෙති යනුවෙන් නබිතුමාණෝ ප‍්‍රකාශ කළහ. (තිර්මිදි)
මුස්ලිම්වරයකු මා හට සලාම් කියන (ආශිර්වාද කරන* සෑම මොහොතකම අල්ලාහ් විසින් මාව පනගන්වා එයට පිළිතුරු දීමට සලස්වයි’ යනුවෙන් නබිතුමාණෝ ප‍්‍රකාශ කළහ. (අබූ දාවූද්)