Бегъымбар лъапIэм, Алыхьым и нэфIыр зыщыхуэу, хъуэхъум я нэхъыфIыр зылъысыным, жиIащ: ЦIыхур и къуэш муслъымэным щIэупщIэну щыкIуэкIэ Жэнэтым и пхъэщхьэмыщхьэ хадэм хэту макIуэ, (щIыхьу) етIысэхыхукIэ. ТIыса нэужь, (Алыхьым и) гущIэгъум щIеуфэ ар. ЩIэупщIэгъуэр пщэдджыжьым ирихьэлIамэ, жэщ хъухукIэ мелыIычу мин блыщI абы къыхуохъуахъуэ. ЩIэупщIэгъуэр пщыхьэщхьэм ирихьэлIамэ, нэху щыхукIэ мелыIычу мин блыщI абы къыхуохъуахъуэ .