Ya Allah na pakalindongangka phoon ko siksa ko kobor. Na owaya ndowa-an iyan naso pagaloyin tano na mapiya. Ya Allah na baloyangka a masoson o-an ago butus o mbala a loks iyan, ago phana pa-at a tatarima-an ya Allah, pakapunudangka sa misabapon so manga timbang o amal o mbala a loks iyan, ago pakala-angka sa misabapon so imbalas kiran a mbala a loks iyan, ago tapi-inka ko mapiya ko manga Mu'min, ago baloyangka a maa-ako o Ibrahim, ago lupasangka sabap ko limo-oka ko siksa ko Naraka Jahannam, ago sambi-ingka sa ingud a mapiya adiso ingud iyan, ago pamiliya a mapiya adiso pamiliya niyan, ya Allah na rila-ingka so miyanga o-onaan ami agoso phangasoson o ami agoso taw a miyaona-an ami ko paratiyaya.
Ya Allah na baloyangka (a wata ini a miyatay) a masoson o-an ami ago mao-ona-an ami ago balasangkami ron.