Ya Allah na rila-ingka ago kalimoonka, ago pakapiya-angka a ginawa niyan, ago ma-apingka, ago phiyapiya-ingka so khabolosan iyan, ago pakalo-agangka so khasoldan iyan, ago lalasangkaon (so manga dosa niyan) sa lagid o kapuphakalalas o ig agoso ilo agoso namog, ago sotiyangka ko manga dosa niyan sa lagid dun o kapusotiyangka ko nditarun a mapoti pho-on ko boring, ago sambi-ingka sa ingud a mapiya adiso ingud iyan, ago pamiliya a mapiya adiso pamiliya niyan, ago karoma a mapiya adiso karoma niyan, ago pakasoldangka ko Sorga, ago pakalindongangka pho-on ko siksa ko kobor (agoso siksa ko Naraka.
Ya Allah na rila-ingka so oyagoyag rukami agoso miyawa pat rukami, agoso makamamasa rukami, agoso di rukami makamamasa, agoso maito rukami i idad, agoso mala rukami i idad, agoso mama rukami agoso babay rukami, ya Allah na sa taw a pagoyagunka rukami na si-ingka oyaga ko Islam, na sapman sa tharima-anka rukami (ko ka patay) na si-ingka tarima-a ko paratiyaya, ya Allah na dingka rukami pha pasa so balas o kashabar, ago dikamingka ndadaga ko oriyan o kiya patay niyan.
Ya Allah na mata-an a si giraw a wata i giraw na matatago sa akongka, ago ipatka na lidasunka ko pitna ko kobor, agoso siksa ko Naraka, ka Suka i puthoman sa pasad ago kabunar, na rila-ingka ago kalimo-onka ka mata-an a Suka i Paririla a lubi a Masalinggagaon.
Ya Allah na oripunka (sukaniyan) ago wata o oripunka a babay na miyakinanglan iyan so limo-oka, ago Suka na dingka kinanglan so kasiksa-angkaon, na amayka aya masosowa iyan na pipiyapiya na pagomanomaningka so manga pipiya a amal iyan, na amaypuman ka aya mao-olawla niyan na di-i muratarata na ma-apingka.