Ya Allah, a Kadnan a somisiyap ko pito lapis a langit, ago Kadnan a somisiyap ko 'Arash a lubi a mala, aduni akongka sa puphakasarig rakun pho-on ki giraw a wata i giraw agoso manga inumpuda iyan a pud ko manga kaadunka, oba ako ma panibolos o isa kiran odi na ba ako niyan kapmalawani-i mabagur so puphakasarigunka, ago mala so podingka ago da a pusimbaan a thitho arowar Ruka.
So Allah na lubi a Mala, so Allah na lubi a Maporo adi so manga kaadun Iyan langolangon, so Allah na lubi a Maporo adi so ipukhaluk akun agoso puphananggila-angko, mlindong ako ko Allah, a da a pusimbaan a thitho arowar Rukaniyan, a komakaput ko pitolapis a langit ka oba maolog ko lopa, inontabo o kabaya iyan, pho-on ko karataan o oripunka (buthowa niyan so ngaran iyan) agoso manga sondaro niyan, agoso manga tantara iyan agoso manga orobarang iyan a pud ko manga Jinn agoso manga manosiya, ya Allah, aduni akongka sa phanarigangko pho-onkarataan iran, mala so podi Ruka, ago mabagur so puphakasarigunka, ago mala i kabarakat so Ingaranka, ago da a pusimbaan a thitho a salakaw Ruka. makatulo makasoy.