Ya Allah toro-akongka a pud ko manga taw a tiyoro-oka, ago maapiyakongka a pud ko manga taw a miya-apanka, ago kakupun akongka sa lagid o manga taw a inikakupka, ago pakambarakatangka rakun so inibugayingka rakun, ago lupasakongka ko marata a inikokomka, ka mata-an a Suka i phangokom a dika khakokom, ago mata-an a da a taw aba niyan mapakarondan so taw a iniporo-oka (ago da a taw aba niyan miporo so taw a rinidooka) malaka i kabarakat hay Kadnan ami a somisiyap Rukami ago Maporoka.
Ya Allah mata-an a sakun na mlindong ako ko kasosoatka pho-on ko rarangitka, ago mlindong ako ko ma-apka pho-on ko siksa-aka, ago mlindong ako Ruka pho-on ko siksa-aka, ka di akun dun khaitong so podi Ruka, sa ba lagid o inipodingka sa ginawangka.
Ya Allah Suka bo i puzimbaan ami ago Sukabo i Khiruk ko dii ami kazambayang ago so kapzodiyod ami, ago Sukabo i phanompangun ami ago puphagapasan ami, na a-arapun ami so limo-oka, ago ika-aluk ami so siksaaka, ka mata-an a so siksa-aka na sii bo khithumo ko manga kapir, ya Allah mataan a sukami na puphangni kami Ruka sa tabang, ago puphangni kami Ruka sa rila, ago puphodin ami Suka sa mapiya, ago di ami Suka pagongkirun, ago paparatiyaya-an ami Suka, ago mangangalimbaba-angkami Ruka, ago phopokas kami ko taw a o-ongkirungka niyan.