Mlindong ako ko Allah pho-on ko Shaitan a puradiyamn. “So Allah, da a puzimba-an a thitho arowar Rukaniyan, Oyagoyag a Mamamayandug, a di thoratodun ago di thorogun, a Ruk Iyan so nganinonganin a madhadalum ko manga langit agoso nganinonganin a madhadalum ko lopa, da a makaphanapa-at sa Hadapan Iyan inontabo o kabaya Iyan, katawan Iyan so nganinonganin a mipumamasa-i ran agoso nganinonganin a mao-oriyan iran, ago da a khasaruzuban iran a maitobo ko Elmo Iyan arowar ko kabaya Iyan, kalalangkoloban o Korsi Iyan so manga langit agoso lopa, ago diron mapunud so kasisiyapa sa dowa oto, go Sukaniyan so Maporo a lubi a Mala.”
Puzagipo-on ako ko Ingaran o Allah a Makalimo-on a lubi a Masalinggagaon, “Tharo-angka [ya Mohammad] a Sukaniyan so Allah a Isa-isa* a so Allah i kapuphangangaronganan a ginawa* a da mbawata ago da mbawata-an* ago da a miya-adun a lagid Iyan a isabo.”, ago batiya-an iyan so: Puzagipo-on ako ko Ingaran o Allah a Makalimo-on a lubi a Masalinggagaon, “Tharo-angka [ya Mohammad] a mlindong ako ko Kadnan a somisiyap ko khapita * pho-on ko karata o nganinonganin a inadun Iyan * ago pho-on ko karata o kagagawi-i igira a miyakalibotung, ago pho-on ko karata o puphangiyop ko manga palot (a ipuphangata-o), ago pho-on ko karata o makatipo igira a miyanipo.”, ago batiya-an iyan so: Puzagipo-on ako ko Ingaran o Allah a Makalimo-on a lubi a Masalinggagaon, “Tharo-angka [ya Mohammad] a mlindong ako ko Kadnan a somisiyap ko manga Manosiya * a Dato o manga Manosiya * a puzimba-an o manga Manosiya * pho-on ko karata-an o pamomodiyok a phano-osook * a so puphamodiyok ko manga rarub o manga manosiya * a pud ko manga Jin agoso manga manosiya.”, (Mbabaka tulo niyan makasoy)
“Inira-ot tano ko kapitapita sa aya kiyapita iyan na so kadato na Ruk dun o Allah, agoso langowan o bantogan na Ruk o Allah, a da a puzimba-an a thitho arowar ko Allah a Isa-isa a da a sakotowa Iyan a khiruk ko kadato ago khiruk ko langowan o bantogan ago Sukaniyan na so langowantaman na magaga-os Iyan, hay Kadnangko a somisiyap rakun, phangningko Ruka so mapiya a madhadalum sangka-i a gawi-i, agoso mapiya ko orianiyan, ago mlindong ako Ruka pho-on ko marata a madhadalum sangka-i gawi-i, agoso marata ko orianiyan, hay Kadnangko a somisiyap rakun, mlindong ako Ruka pho-on ko bokul agoso karata o kathakabor, hay Kadnangko a somosiyap rakun, mlindong ako Ruka pho-on ko siksa ko apoy Naraka, agoso siksa ko kobor.”
“Hay Allah na sabap ko kaphakagagangka na inirampay kami ko kapipita, ago sabap ko kaphakagagangka na inirampay kami ko khagabi , ago sabap ko kaphakagagangka na pukhaoyag kami, ago sabap ko kaphakagagangka na puphatay kami, ago Sukabo i khandodan.”
“Ya Allah, Suka i Kadnangko a somisiyap rakn, da a puzimba-an a thitho arowar Ruka, ka inaduna kongka a sakun na oripunka, ago sakun na matatago ako sa akongka ago diyandi-ika sa sadun sa kakhagaga-ako ron, mlindong ako Ruka pho-on ko karata o nganin a miyanggolawlako, tatarima-an akun so limo-oka rakun, ago tatarima-an akun so dosako na rila-i akongka ka matamata-an a da a phakarila ko manga dosa arowar Ruka.”
“Ya Allah, mata-an a sakun na inira-ot ako ko kapitapita na pakipuzaksi-angko Ruka ago pakipuzaksi-angko ko tomatanggong ko Araska, agoso manga Malaikatka, agoso kalangowan o manga ka-adunka, a mata-an a Suka na Suka so Allah, a da a puzimba-an a thitho arowar Ruka a Isa-isaka a da a sakotowa-aka, ago mata-an a so Mohammad na oripunka ago Sogo-oka.” Makapat makasoy.
“Ya Allah, sadun sa kiyapita-an rakun a limo odina si-i ko isa a taw ko manga ka-adunka na si-i Ruka makapopo-on a Isa-isaka, a da a sakotowa aka, na Ruk ka so Bantogan ago Ruk ka so Panalamat.”
“Ya Allah, ma-api akongka si-i ko lawas akun, ya Allah, ma-api akongka si-i ko kanug akun, ya Allah, ma-api akongka si-i ko kailay akun, da a puzimba-an a thitho arowar Ruka, ya Allah, mata-an a sakun na mlindong ako Ruka pho-on ko kakhapir agoso kamur-mur, ago mlindong ako Ruka pho-on ko siksa ko kobor, da a puzimba-an a thitho arowar Ruka.” (Makatulo makasoy).
“Aya sasana-angko na so Allah, da a puzimba-an a thitho arowar Rukaniyan, a Ron ako rombo pananarig, a Sukaniyan i Kadnan a somisiyap ko Arash a lubi a Mala.” Makapito makasoy.
“Ya Allah, mata-an a sakun na phangnin akun Ruka so ma-ap agoso kada-a sakit si-i ko doniya agosa Akhirat, ya Allah, mata-an a sakun na phangnin akun Ruka so ma-ap agoso kada-a sakit si-i ko Agamako ago si-i ko doniya akun, ago si-i ko pamiliyako ago si-i ko tamok akun, ya Allah, sapungingka so manga awrat akun, ago pakalintadangka so manga kaluk akun, ya Allah siyapakongka ko hadapan akun ago si-i ko talikhodangko, ago si-i ko tampar ko kawanan akun, ago si-i ko tampar ko diyawang akun, ago si-i ko kaporo-an akun, ago mlindong ako ko Kala-aka oba ako maturayador ko atag akun.”
“Ya Allah, a Mata-o ko migagaib agoso mipapayag, a miyadun ko pitolapis a langit agoso pitolapis a lopa, a Kadnan a somisiyap ko langowan o shai ago kamimilikan iyan, puzaksiangko a da a puzimba-an a thitho arowar Ruka, mlindong ako Ruka pho-on ko karata-an o ginawako, agoso karata-an o shaitan agoso kapuphanakoto niyan, ago oba akun mapakanggolawla so ginawako sa marata, odina ba adun a marambit akun a Muslim ko marata.”
“Puzagipo-on ako ko Ingaran o Allah a so da a phakamorala ko Ingaran Iyan a maitobo si-i ko lopa ago si-i ko langit, ago Sukaniyan na Puphakanug ago Mata-o.” Makatulo makasoy.
“Miya so-at ako ko Allah a Kadnan a somisiyap, ago miya so-at ako ko Islam a Agama, ago miya so-at ako ko Mohammad (ص) a Nabi.” Makatulo makasoy.
“Hay Kadnan a Oyagoyag, a thatandingan, sabap ko limo-oka na phangni ako ruka sa tabang, sa ompiya-ingka rakun so butad akun langolangon, sa dingka rakun zana-an a ginawako sa sapuruk bo ka mata.”
“Hay Kadnan a Oyagoyag, a thatandingan, sabap ko limo-oka na phangni ako ruka sa tabang, sa ompiya-ingka rakun so butad akun langolangon, sa dingka rakun zana-an a ginawako sa sapuruk bo ka mata.”
“kiyapita-an kami ko Agama Islam ago si-i ko katharo a kapagikhlas, ago si-i ko Agama o Nabi ami a so Mohammad (ص) ago si-i ko Agama o ama ami a so Ibrahim a magi-inontolan a phapasiyonot (ko Allah) ka da mabaloy a pud ko manga Moshrik.”
Miyasoti-soti so Allah a rakus o bantogan Iyan) makamagatos makasoy.
Da a puzimba-an a titho arowar ko Allah a Isa-isa a da a sakotowa Iyan, a kiruk ko Kadato, ago kiruk ko Bantogan, ago Sukaniyan na so langowan taman na magaga-os Iyan) makasapolo makasoy , odina dapiya makaisa-isa ko kaboboklaon.
Da a puzimba-an a titho arowar ko Allah a Isa-isa a da a sakotowa Iyan, a kiruk ko Kadato, ago kiruk ko Bantogan, ago Sukaniyan naso langowan taman na magaga-os Iyan.) makamagatos makasoy igira a miyapita.
Miyasoti-soti so Allah a rakus o Bantogan Iyan, sa sodun so kadakul o ka-adun Iyan, agoso ikasoso-at o ginawa Niyan, agoso timbang o Arash Iyan, agoso mapundawat ko kizoratun ko manga Katharo Iyan.) makatulo makasoy igira a miyapita.
Ya Allah, mata-an a sakun na phangnin akun Ruka so ilmo a phakanggay a gona, agoso rizki a soti, agoso amal a tatarima-an) igira a miyapita.
Phangni ako sa rila ko Allah ago puthawbat ako Ron) makamagatos makasoy ko sold o mabhabasa Alongan.
Ya Allah, khasokasoyangka mantog sa hadapan o manga Makaikat ago pakasulangangka sa maliwanag so Nabi ami a so Mohammad (ص) makasapolo makasoy.