Pitharo i Jabir Bin Abdullah a miya so-at kiran a dowa kataw so Allah: Aya ka-atasan o Ra solollah (ص) na ipuphangnda-o niyan rukami so kapuphang niyan ko Allah ko mapiya si-i ko langowan o mao-olawla, sa lagid o kipuphangunda-on iyan rukami ko Sorah a pud sa Qur’an, sa di-i niyan tharo-on a: Pabila a miyawida-akal o isa rukano so punggolawla-an iyan na zambayang sa dowa raka-at a kunaoba paralo, orianiyan na tharo-a niyan so: “Ya Allah, na mata-an a sakun na phangningko Ruka a aya pakipili-inka rakun na so mapiya, sabap ko Suka i Mata-o, ago phangningko Ruka a bugi akongka sa bagur a migagako ron sabap sa Suka i Mabagur, ago phangni ako Ruka sabap ko gagaongka a mala, ka mata-an a Suka i phakagaga ka di ako phakagaga, ago Sika i Mata-o ka di ako mata-o, ago Suka i lubi a Mata-o ko khigagaib, Ya Allah, na amayka aya katawingka sangka-i a punggolawla-angko (sa buthon iyan so kadiyat iyan) na aya rakun mapiya si-i ko Agamako ago si-i ko kapuphagintaw akun, agoso khabolosan o punggolawla-angko) odina aya pitharo o Ra solollah (ص) na: (So kasambot o punggolawla-angko agoso kata-alik iyan na ayangka rakun okorun, ago lubodangka rakun, orianiyan na pakambarakatangka rakun, na amaypuman ka aya katawingka sangka-i a punggolawla-angko na aya rakun marata si-i ko Agamako ago si-i ko kapuphagintaw akun, agoso khabolosan o punggolawla-angko), odina aya pitharo o Ra solollah (ص) na: (So kasambot o punggolawla-angko agoso kata-alik iyan na pokasangka rakun, odina pokasakongkaon, sa aya okorunka rakun na so mapiya sa dapiya andadun matatago, orianiyan na ayangka rakun ka so-atun.” Go da a taw aba miyakazundit ko kiyapamangni niyan sa mapiya ko Allah a miyangadun, ago miyakipumosawira ko manga ka-adun a manga Mu’min ago liyanatan iyan so punggolawla-an iyan, na sabunar a pitharo o Allah a Miyasoti-soti: “Go pakipumosawiraka kiran ko punggolawla-anka, na pabila a matukhuska sa ginawangka (so punggolawla-anka ko oriyan o kiyapumomosawira), na sarigingka so Allah”