“Phangni ako sarila ko Allah.” Makatulo makasoy. “Ya Allah, Ingaranka so Salam ka mawatangka ko langowan a di Ruka domadait, ago Suka i pukhapo-onan o kalilintad, a malaka i kabarakat, hay khiruk ko kabsaran agoso kasakaw.”
“Da a puzimba-an a thitho arowar ko Allah a Isa-isa a da a sakotowa Iyan, a khiruk ko Kadato, ago khiruk ko Bantogan, ago Sukaniyan na so langowan taman na ga-os Iyan, ya Allah, da a pha karun ko nganin san a inipamumugayingka, ago da a phakabugay ko nganin san a dingka imbugay, ago di phakanggay a gona ko kawasa so kakawasa-an iyan, ka aya mata-an a phakanggay ron a gona na so siyapkaon agoso miyanggalbuk iyan a mapiya ka si-i Ruka pho-on (ya Allah) so ontong agoso kakawasa-an.”
“Da a puzimba-an a thitho arowar ko Allah a Isa-isa a da a sakotowa Iyan, a khiruk ko Kadato, ago khiruk ko Bantogan, ago Sukaniyan na so langowan taman na ga-os Iyan, ago da a kapa-ar ago da a bhagur arowar ko kapa-ar ago bhagur o Allah, ago da a puzimba-an a thitho arowar ko Allah, ago da a puzimba-an ami arowar Rukaniyan, a khiruk ko limo ago khiruk ko kalbihan a tarotop, ago khiruk ko Bantogan a lubi a Mapiya, ago da a puzimba-an a thitho arowar ko Allah sa bobonayonun ami ron so manga okitokit ko kaoyagoyag sa dapiyapun di kha so-at so manga kapir.”
“Miyasoti-soti so Allah, agoso langowan o Bantogan na matatangkud a Ruko Allah, agoso Allah na lubi a Mala (mubhabakatulo polo ago tulo) da a puzimba-an a thitho arowar ko Allah a Isa-isa a da a sakotowa Iyan, a khiruk ko Kadato ago khiruk ko Bantogan, ago Sukaniyan na solangon taman na ga-os Iyan.”
Puzagipo-on ako ko Ingaran o Allah a Makalimo-on a lubi a Masalinggagaon, “Tharo-angka [ya Mohammad] a Sukaniyan so Allah a Isa-isa* a so Allah i kapuphangangaronganan a ginawa* a da mbawata ago da mbawata-an* ago da a miya-adun a lagid Iyan a isabo.”, ago batiya-an iyan so: Puzagipo-on ako ko Ingaran o Allah a Makalimo-on a lubi a Masalinggagaon, “Tharo-angka [ya Mohammad] a mlindong ako ko Kadnan a somisiyap ko khapita * pho-on ko karata o nganinonganin a inadun Iyan * ago pho-on ko karata o kagagawi-i igira a miyakalibotung, ago pho-on ko karata o puphangiyop ko manga palot (a ipuphangata-o), ago pho-on ko karata o makatipo igira a miyanipo.”, ago batiya-an iyan so: Puzagipo-on ako ko Ingaran o Allah a Makalimo-on a lubi a Masalinggagaon, “Tharo-angka [ya Mohammad] a mlindong ako ko Kadnan a somisiyap ko manga Manosiya * a Dato o manga Manosiya * a puzimba-an o manga Manosiya * pho-on ko karata-an o pamomodiyok a phano-osook * a so puphamodiyok ko manga rarub o manga manosiya * a pud ko manga Jin agoso manga manosiya.”, ko oriyan o omani sambayang.”
“So Allah, da a puzimba-an a thitho arowar Rukaniyan, Oyagoyag a Mamamayandug, a di thoratodun ago di thorogun, a Ruk Iyan so nganinonganin a madhadalum ko manga langit agoso nganinonganin a madhadalum ko lopa, da a makaphanapa-at sa Hadapan Iyan inontabo o kabaya Iyan, katawan Iyan so nganinonganin a mipumamasa-i ran agoso nganinonganin a mao-oriyan iran, ago da a khasaruzuban iran a maitobo ko Elmo Iyan arowar ko kabaya Iyan, kalalangkoloban o Korsi Iyan so manga langit agoso lopa, ago diron mapunud so kasisiyapa sa dowa oto, go Sukaniyan so Maporo a lubi a Mala.”, (pumbatiya-an) si-i ko oriyan o manga sambayang.
“Da a puzimba-an a thitho arowar ko Allah Isa-isa a da a sakotowa Iyan, a khiruk ko kadato ago khiruk ko bantogan, a puphangoyag ago pangowa sa niyawa, ago Sukaniyan naso langowan taman na magaga-os Iyan.”, sa maka sapolo makasoy ko oriyan o Magrib agoso Sobo.
“Ya Allah, mata-an a sakun na phangnin akun Ruka so elmo a phakanggay a gona, agoso rizki a soti, agoso amal a tatarima-an.”, (Thontolun iyan) ko oriyan o kiyapakazalam ko sambayang a Sobo.