“Ya Allah, mata-an a sakun na mlindong ako Ruka pho-on ko siksa ko kobor, ago pho-on ko siksa ko Naraka Jahannam, ago pho-on ko pitna ko kaoyagoyag agoso kapapatay, ago pho-on ko karata o pitna o Idazal.”
“Ya Allah, mata-an a sakun na mlindong ako Ruka pho-on ko siksa ko kobor, ago mlindong ako Ruka pho-on ko pitna o Idazal, ago mlindong ako Ruka pho-on ko pitna ko kaoyagoyag agoso kapapatay, ya Allah, mata-an a sakun na mlindong ako Ruka pho-on ko kandosa agoso kapakambayadan.”
“Ya Allah, mata-an a sakun na thitho dun a miyalalim akun a ginawako sa madakul, ago da a phakarila ko manga dosa arowar Ruka na rila-i akongka sa rila a pho-on Ruka, ago kalimo-on akongka, ka mata-an a Suka i Pupuririla a Masalinggagaon.”
“Ya Allah, rila-anka rakun so miyaona miyaori a miyanggolawlako a dosa, agoso ma solun mapayag a miyanggolawlako a dosa, agoso minisobrako a manga dosa, agoso nganin a Suka i lubiron a mata-o a di sakun, ka Suka i di-i ndiyator ko kapukhaona, ago Suka i di-i ndiyator ko kapukhaori, da a puzimba-an a thitho arowar Ruka.”
“Ya Allah, na tabangi akongka ko katatadmi Ruka, agoso kapuphanalamati Ruka, agoso kapiya a di-i Ruka kazo-a soata.”
“Ya Allah, mata-an a sakun na mlindong ako Ruka pho-on ko kapikto, ago mlindong ako Ruka pho-on ko katatalaw, ago mlindong ako Ruka oba ako raotun ko kabongaw, ago mlindong ako Ruka pho-on ko pitna ko doniya, agoso siksa ko kobor.”
“Ya Allah, mata-an a sakun na phangningko Ruka so Sorga, ago mlindong ako Ruka pho-on ko Naraka.”
“Ya Allah, sabap ko katawingka ko migagaib ago sabap ko kakhagaga-angka ko kapangadun na o-oyagakongka amayka aya katawingka ko kao-oyagoyag na aya rakun tomo, ago tarima-akongka amayka aya katawingka ko kapatay na aya rakun mapiya,Ya Allah, mata-an a sakun na phangnin akun Ruka so kipukhalukun Ruka si-i ko kigagaib akun agoso kamamasa-i rakun, ago phangnin akun Ruka so katharo a ontol si-i ko ka soso-at ago si-i ko kaa-adun o rarangit, ago phangnin akun Ruka so kathangka-a ko kakhawasa agoso kapobri, ago phangnin akun Ruka so limo a di khada, ago phangnin akun Ruka so kapipiya ginawa a di khatupud, ago phangnin akun Ruka so ka so-at ko oriyan o kinitana o hokomanka, ago phangnin akun Ruka so mapiya a kaoyagoyag ko oriyan o kapatay, ago phangnin akun Ruka so kapiya o kakhailaya ko paraska (sa Alongan a mawri) agoso kikadadali-in ko kitho-onaan Ruka sa da a marugun a phakamorala, ago da a pitna a phakadadag, ya Allah, pharasunka rukami so parahiyasan o paratiyaya ago baloya kamingka a puphanolon ko toro-an o khikatotoro.”
Ya Allah, mata-an a sakun na phangnin akun Ruka ya Allah, sabap sa Suka na Isa-isa a da a rimbang Iyan a aya kapuphangangaronganan a ginawa, a da mbawata ago da mbawata-an, ago da a miya-adun a isabo a lagid Iyan, a kirila-anka rakun ko manga dosako, ka mata-an a Suka i Paririla a Lubi a Masalinggagaon.”
“Ya Allah, mata-an a sakun na phamangni ako Ruka, sabap sa Ruk ka so lanowan o Bantogan ka da a puzimba-an a thitho arowar Ruka, Isa-isaka a da a sakotowa-aka, a puphamumugay, hay miyadun ko manga langit agoso lopa, hay khiruk ko kabsaran agoso kasakaw, hay Oyagoyag, hay mamamayandug mata-an a sakun na phangnin akun Ruka so Sorga ago mlindong ako Ruka pho-on ko Naraka.”
“Ya Allah, mata-an a sakun na phamangni ako Ruka, sabap sa mata-an a sakun na zasaksi-angko a mata-an a Suka so Allah a da a puzimba-an a thitho arowar Ruka a Isa-isa, sa a di-i kapangangarongan a da mbawata ago da mbawata-an, ago da a miya-adun a isabo a lagid iyan.”