Dowa-a a ipuluka ko Sambayang

1

“So Allah na Mala sa taman a Mala, so Allah na Mala sa taman a Mala, so Allah na Mala sa taman a Mala, agoso langowan o bantogan na matatangkud a ruk o Allah a tanto a madakul, agoso langowan o bantogan na matatangkud a ruk o Allah a tanto a madakul, agoso langowan o bantogan na matatangkud a ruk o Allah a tanto a madakul, ago Miyasoti-soti so Allah si-i ko kapitapita ago si-i ko kaghabighabi.” Makatulo makasoy. “Mulindong ako ko Allah pho-on ko Shaitan, ko kapuphanakabor iyan agoso kapuphangiyop iyan, agoso kapuphangtongtong iyan.”

2

“Ya Allah, na awatakonka ko manga dosako sa lagid o kiyapaka khawatana-angka ko pagulutan o subangan ago sudupan, ya Allah, na sotiyakongka ko manga dosako sa lagid o kapukha soti o nditarun a mapoti pho-on ko boring, ya Allah, na lalasangka rakun so manga dosako sa lagid o kapukhalalasa o ig a ilo agoso ig agoso namog.”

3

“Miyasoti-sotika ya Allah a rakus o bantog Ruka, ago mala i kabarakat so Ingaranka ago Maporo so kakawasa-anka, go da a puzimba-an a thitho arowar Ruka.”

4

“Ini adapakun so paras akun ko miyadun ko manga langit agoso lopa sa magi-inontolan ako, ago kunaoba ako pud ko manga Moshrik, mata-an a so sambayang akun agoso kapuphanombali akun agoso kao-oyagoyag akun agoso kapapatay akun na Ruko (para ko) Allah a Kadnan a somisiyap ko manga ka-adun a da a sakotowa Iyan, ago giyotowi inisogo rakun ago sakun na pud ko manga Muslim, ya Allah, na Suka i Dato a da a puzimba-an a thitho arowar Ruka, Suka i Kadnangko a somisiyap Rakun, na sakun na oripunka, miya-aniyayako a ginawako ago phikompabliyangko so dosako na rila-anka rakun so manga dosako langolangon ka mata-an a da a phakarila ko manga dosa arowar Ruka, ago toro-akongka ko miyakapiyapiya ko manga parangay, ka da a phakatoro ko miyakapiyapiyaon arowar Ruka, ago pokasangka rakun so marata-on, ka da a phakapokas rakun ko marata-on arowar Ruka, kati-i ako a paonotonot ako Ruka, agoso mapiya na langon dun matatago sa tanganka, agoso marata na kunaoba Ruka khisogat, na sakun na si-i ako Ruka pho-on ago si-i ako Ruka phakandod, malaka i kabarakat ago maporoka, na phangni ako Ruka sa rila ago puthawbat ako Ruka.”

5

“Ya Allah a Kadnan a somisiyap ko Jibreel agoso Mika-il agoso Israfil a miyadunko manga langit agoso lopa, a makakaka-ip ko migagaib agoso mipapayag, na Suka i khokom ko manga oripunka ko di iran phagayonayonan, na toro-akongka sa katokawiko ko di phagayonayonan ko bunar sa nggolalan ko idinka, ka mata-an a Suka na puthoro-onka so taw a kabaya-aka ko lalan a ma titho.”

6

“Ya Allah, Ruk ka so langowan o bantogan , ka Suka i puzindaw ko manga langit agoso lopa agoso manga taw a madhadalmon, Ruk ka so langowan o bantogan ka Suka i mamamayandug ko manga langit agoso lopa agoso manga taw a madhadalmon.” “Go Ruk ka so langowan o bantogan ka Suka i Kadnan a somisiyap ko manga langit agoso lopa agoso manga taw a madhadalmon, ago Ruk ka so Kadato ko manga langit agoso lopa agoso manga taw a madhadalmon.” “Go Ruk ka so langowan o bantogan ka Ruk ka so Kadato ko manga langit agoso lopa.” “Go Ruk ka so langowan o bantogan.” “Suka so Bunar, agoso inidiyandi-ika na bunar, agoso katharo-oka na bunar, agoso kiputhoona-an Ruka na bunar, agoso Sorga na bunar, agoso Naraka na bunar, agoso manga panabinabiyan na bunar, agoso Mohammad (ص) na bunar, agoso Bangkit na bunar.” “Ya Allah, Si-i ako Rukabo mbabayorantang, ago Sukabo i piyaratiyayako, ago Si-i ako Rukabo pananarig, ago Si-i ako Rukabo di-i thawbat, ago misabap Ruka i kaphagatowi akn ko manga rido-ay o Islam, ago Sukabo i phagapasangko a hokoman, na rila-anka rakun so miyaona miyaori a miyanggolawlako a dosa, agoso ma solun mapayag a miyanggolawlako a dosa, ka Suka i tomatakdir ko kapuphaka sold ko Sorga, ago Suka i tomatakdir ko kapuphaka sold ko Naraka, da a puzimba-an a thitho arowar Ruka.” “Suka i puzimba-angko, ka da a puzimba-an a thitho arowar Ruka.”

Zaker copied