“Putharo-on o taw so datar o di-i tharo-on o di-i magbang, na si-i ko kabalsa niyan ko: agoso : Ma-ana: “Song kano ko Sambayang agoso kapakadha-ag.” Na tharo-on o taw so: “Da a kapa-ar ago da a bagur arowar ko kapa-ar ago bagur o Allah.”
“Puzaksi-angko a mata-an a da a puzimba-an a thitho arowar ko Allah a Isa-isa a da a sakotowa Iyan, go mata-an a so Mohammad na oripun Iyan ago Sogo Iyan, miya so-at ako ko Allah a Kadnan a somisiyap, ago miya so-at ako ko Mohammad a Sogo, ago miya so-at ako ko Islam a Agama.” Aya kaputharo-a niyan san na anday katharo-a o puphagubang ko: [لاَ إِلَهَ إِلاَّ اللهُ]
“Ya Allah, a Kadnan a di-i zoa-soatan sangka-i a pangni a tarotop, agoso Sambayang a ithindug, na buganka ko Mohammad so maporo a darpa ko Sorga, agoso kalbihan, ago pakaphantawangka ko darpa a kabhabantogan a so inibugayingkaon a kapasadan ka mata-an a Suka na dika pundorat sa kapasadan.” Ika lima:
“Ipamangni o taw a ginawa niyan ko Allah si-i ko pagulutan o Bang agoso Kamat, kagiya mata-an a so pangni sa masa oto na di khindod (ma-ana tharima-an o Allah.”
Salawatan iyan so Nabi (ص) ko oriyan o kapasada niyan ko kapzumbaga niyan ko di-i magubang.