Igira a miyakasold so po-onan o kagagawi-i - odi na kiyagabiyan kano – na kobisa niyo so manga wata iyo a manga roroni, ka mata-an a so manga Shaitan na pukhabumbar siran sa masa oto, na pabila a maipos so isa a wakto ko kagagawi-i na bokai niyo siran, ago pululukubi niyo so manga pintoan ago phagaloya niyo so Ingaran o Allah, ka mata-an a so Shaitan na da a khaluka-an iyan a pinto a lulukuban, ago pamotosa niyo so manga ngari o pananago-ay niyo sa ig a manga kobal a kambing, ago phagaloya niyo so Ingaran o Allah, ago pushapungi niyo so manga pananago-ay niyo ago phagaloya niyo so Ingaran o Allah, sa apiya giyabo a kapukhabutadi niyo ron sa shai, ago puphamadunga niyo so manga solo iyo.