Pitharo o Rasulullah (ص): Dikano dun makasold ko Sorga taman sa dikano maratiyaya, ago di khatarotop so paratiyaya niyo taman sa di kano nggiginawa-i, ino ba akun sukano punggonanaowa ko shai a onggolawla-a niyo na miyakanggiginawa-i kano? Puphangoraon iyo so Salam ko ndolondolonan iyo ka makanggiginawa-i kano.
Tulo butad a sadun sa taw a matimo iyan na sabunar a miyatimo iyan so paratiyaya: 1) So kipaginontolanunka sa ginawangka, 2) So kapuphanamari sa kapushalama ko manga ka-adun (a miyasak a salamun), 3) So kanggasto sa mathangka.
Go miyakathitayan ko Abdullah Bin Omar a miyaso-at kiran a dowa kataw so Allah a mata-an a adun a mama a ini-iza iyan ko Rasulullah (ص): O anda ko manga butad o Islam i mapiyaon? (a punggolawla-an) na pitharo o Rasulullah (ص): So kapamaganangka sa pangnungkun, agoso kapushalamangka ko taw a katawanka agoso taw a dingka katawan.