Pitharo o Nabi (ص): Sadun sa taw a salawatan ako niyan sa makaisa na rilaan o Allah sa makasapolo sabap ko kiya salawati niyan rakun.
Go pitharo o Nabi (ص): Di niyo mbaloya so kobor akun a di-i phista-an, sa peshalawati ako niyo ka mata-an a so salawat iyo na pukhisampay rakun sa dapiya andakano dun matatago.
Go pitharo o Nabi (ص): Aya maligut a taw naso miya-aloy ako sa danga iyan na dako niyan salawati.
Go pitharo o Nabi (ص): Mata-an a adun a manga Malaikat o Allah a di-i ndadalakaw ko lopa ka ipushampay ran rakun a pho-on ko manga Omat akun so Salam.
Go pitharo o Nabi (ص): Dadun a isa bo a salamun ako niyan a barakun di pakandoda o Allah so niyawako ka an akun non mapakandod so salam iyan.